नयाँ दर पेट्रोल प्रतिलिटर १६० रुपैयाँ कायम गरिएको छ। त्यस्तै, डिजेल र मट्टितेलको खुद्रा मूल्य प्रतिलिटर १४८ रुपैयाँ तोकिएको छ
नयाँ दर पेट्रोल प्रतिलिटर १६० रुपैयाँ कायम गरिएको छ। त्यस्तै, डिजेल र मट्टितेलको खुद्रा मूल्य प्रतिलिटर १४८ रुपैयाँ तोकिएको छ
काठमाडौं, साउन ३० – नेपाल आयल निगम (NOC) ले इन्धनको मूल्यमा कटौती गर्दै सोमबार रातिदेखि लागू हुने गरी पेट्रोल, डिजेल र मट्टितेलको नयाँ खुद्रा मूल्य सार्वजनिक गरेको छ। निगमका अनुसार पेट्रोलको मूल्यमा प्रतिलिटर ५ रुपैयाँले कटौती गरिएको छ भने डिजेल र मट्टितेलमा प्रतिलिटर १ रुपैयाँले घटाइएको छ।
नयाँ मूल्यअनुसार काठमाडौं, पोखरा, दिपायल लगायत क्षेत्रहरूमा पेट्रोलको नयाँ दर प्रतिलिटर १६० रुपैयाँ कायम गरिएको छ। त्यस्तै, डिजेल र मट्टितेलको खुद्रा मूल्य प्रतिलिटर १४८ रुपैयाँ तोकिएको छ। निगमले मूल्य निर्धारण क्षेत्रगत रुपमा गर्ने गरेको छ, जसअनुसार अन्य क्षेत्रहरूमा पनि समायोजित दरहरु लागू हुनेछन्।
आयल निगमले मूल्य समायोजनको कारण भारतीय आयल निगम (IOC) बाट प्राप्त नयाँ खरिद मूल्यमा आएको गिरावटलाई जनाएको छ। डिजेल र मट्टितेलको वास्तविक मूल्य घटबढ प्रतिलिटर १.३० रुपैयाँ रहेपनि उपभोक्ताको सहजतालाई ध्यानमा राख्दै सार्वजनिक दरमा रु १ को मात्र कटौती गरिएको निगमले स्पष्ट पारेको छ।
इन्धनको मूल्य घटेसँगै उपभोक्ता तहमा केही राहत पुग्ने अपेक्षा गरिएको छ। आयातमा आधारित पेट्रोलियम उत्पादनको मूल्यमा लगातार भइरहेको उतारचढावका बीच आएको यो कटौतीले यातायात, कृषिमा प्रयोग हुने इन्धन, तथा बजार मूल्यमा समेत केही सकारात्मक असर पार्ने विश्वास गरिएको छ।
नयाँ मूल्य दर सोमबार राति १२ बजेदेखि लागू भइसकेको छ। आयल निगमले आगामी दिनमा पनि अन्तर्राष्ट्रिय बजार मूल्य र खरिद लागतअनुसार मूल्य समायोजन गर्दै जाने जनाएको छ।
Like
Dislike
Angry
Sad
Funny
.png)
उच्च गुणस्तर र सटिक समाचार तथा विश्लेषण काे लागि युनिबिग न्युज अनलाइन संचालनमा ।
Mar 16, 2023
उच्च गुणस्तर र सटिक समाचार तथा विश्लेषण काे लागि युनिबिग न्युज अनलाइन संचालनमा ।
March 16, 2023
रत्नपार्कमा मिटरब्याज पीडित र प्रहरीबीच झडपः पीडित भन्छन्ः प्रहरीले दमन गर्यो
April 17, 2023
कमेन्टस् 0