निर्यात भएका प्रमुख जडीबुटीमा टिमुर (नेपाली मरिच), काउलो, सतुवा, बोझो, दालचिनी र अमला
निर्यात भएका प्रमुख जडीबुटीमा टिमुर (नेपाली मरिच), काउलो, सतुवा, बोझो, दालचिनी र अमला
चालु आर्थिक वर्ष २०८२/८३ को पहिलो पाँच महिनामा नेपालगञ्ज भन्सार नाकाबाट जडीबुटी निर्यातमा उल्लेख्य वृद्धि भएको छ। नेपालगञ्ज भन्सार कार्यालयका अनुसार मङ्सिर मसान्तसम्म विभिन्न प्रकारका जडीबुटी गरी करिब ८ लाख ४१ हजार किलोभन्दा बढी निर्यात भएका छन्, जसबाट रु. २५ करोडभन्दा बढी राजस्व बराबरको कारोबार भएको छ। यो तथ्यांक गत आर्थिक वर्षको सोही अवधिको तुलनामा करिब रु. १० करोडले बढी हो।
निर्यात भएका प्रमुख जडीबुटीमा टिमुर (नेपाली मरिच), काउलो, सतुवा, बोझो, दालचिनी र अमला रहेका छन्। भन्सार स्रोतका अनुसार कुल+ निर्यातमध्ये करिब ८५ प्रतिशत जडीबुटी भारततर्फ पठाइने गरेको छ। निर्यात वृद्धि भएपछि जडीबुटी व्यवसायी, सङ्कलक तथा किसानहरू उत्साहित भएका छन्।
व्यवसायीहरूका अनुसार जडीबुटी निर्यातले हिमाली तथा पहाडी जिल्लाका स्थानीय बासिन्दाको आम्दानीमा सकारात्मक प्रभाव पारेको छ। यद्यपि, जडीबुटी सङ्कलन अनुमति, ढुवानी प्रक्रिया, भन्सार तथा क्वारेन्टाइनसम्बन्धी प्रक्रिया अझै पनि चुनौतीपूर्ण रहेको उनीहरूको गुनासो छ। यी प्रक्रियालाई सहज बनाउन सके निर्यात अझ बढ्ने अपेक्षा गरिएको छ।
विशेषज्ञहरूका अनुसार जडीबुटी जस्तो प्राकृतिक स्रोतको व्यवस्थित प्रयोग र निर्यात प्रवर्द्धनले ग्रामीण अर्थतन्त्र मजबुत बनाउने मात्र होइन, मुलुकको वैदेशिक व्यापार सन्तुलन सुधारमा पनि महत्वपूर्ण योगदान पुर्याउन सक्छ। यसका लागि सरकारी तहबाट नीतिगत सुधार, पूर्वाधार विकास र बजार विस्तारमा ध्यान दिन आवश्यक रहेको उनीहरूको सुझाव छ।
Like
Dislike
Angry
Sad
Funny
.png)
उच्च गुणस्तर र सटिक समाचार तथा विश्लेषण काे लागि युनिबिग न्युज अनलाइन संचालनमा ।
Mar 16, 2023
उच्च गुणस्तर र सटिक समाचार तथा विश्लेषण काे लागि युनिबिग न्युज अनलाइन संचालनमा ।
March 16, 2023
रत्नपार्कमा मिटरब्याज पीडित र प्रहरीबीच झडपः पीडित भन्छन्ः प्रहरीले दमन गर्यो
April 17, 2023
कमेन्टस् 0