बीमा कम्पनीलाई रु. २२ अर्बभन्दा बढीको दाबी

काठमाडौं । हालैका Gen-Z आन्दोलनका क्रममा भएको तोडफोड र आगजनीका कारण बीमा कम्पनीहरूले २,४७८ वटा आवेदनमार्फत करिब रु. २२ अर्ब २५ करोड बराबरको दाबी प्राप्त गरेका छन्।

नेपाल बीमा प्राधिकरणका अनुसार सबैभन्दा बढी बागमती प्रदेशबाट १,३४३ आवेदन परेका छन्, जसको रकम करिब रु. १७ अर्ब ९७ करोड छ।

१८ वटा बीमा कम्पनीमा पुगेका दाबीमध्ये ओरियन्टल इन्स्योरेन्सले रु. ५.२२ अर्ब र सिद्धार्थ इन्स्योरेन्सले करिब रु. ५ अर्बभन्दा बढी दाबी प्राप्त गरेका छन्।

प्राधिकरणले दाबीको संख्या अझै बढ्ने अनुमान गरेको छ र बीमा कम्पनीहरूलाई छिटो छानबिन गरी पीडितलाई क्षतिपूर्ति दिलाउन आग्रह गरेको छ।