इमेल र हाटलाइन सेवा सुरु गरेसँगै सुरुआती चरणमै ठूलो संख्यामा उजुरी दर्ता
इमेल र हाटलाइन सेवा सुरु गरेसँगै सुरुआती चरणमै ठूलो संख्यामा उजुरी दर्ता
काठमाडौं । अर्थ मन्त्रालयले सर्वसाधारणका गुनासा र उजुरी संकलन गर्न इमेल र हाटलाइन सेवा सुरु गरेसँगै सुरुआती चरणमै ठूलो संख्यामा उजुरी दर्ता भएको छ । मन्त्रालयले हिजो सार्वजनिक गरेको सेवा मार्फत अर्थमन्त्री रमेश्वर खनालको निजी इमेल, मन्त्रालयको आधिकारिक इमेल र हाटलाइन नम्बरमा नागरिकले प्रत्यक्ष उजुरी पठाउन सक्ने व्यवस्था मिलाइएको हो।
मन्त्रालयका अनुसार सेवा सुरु भएको पहिलो ६ घण्टामै १६६ वटा उजुरी इमेलमार्फत प्राप्त भएका छन् । ती उजुरीमध्ये अधिकांशमा मन्त्रालयका कर्मचारीहरूले सेवा दिन ढिलासुस्ती गरेको, अनावश्यक दबाब दिएको, घूस मागेको वा अनियमित व्यवहार गरेको भन्ने गुनासो समावेश छ।
उजुरी संकलन र व्यवस्थापनका लागि मन्त्रालयले उपसचिव निरन भट्टराई र शाखा अधिकृत पवित्रा ज्ञवालीलाई सम्पर्क व्यक्तिको रुपमा तोकेको छ। साथै, gunaso@mof.gov.np, rameshwore@mof.gov.np लगायतका इमेल ठेगाना र हाटलाइन नम्बर १८१०५०००४०१ सार्वजनिक गरिएको छ।
यो छोटो समयमा यति धेरै उजुरी आउनु अर्थ मन्त्रालय भित्रको सेवा प्रवाहप्रति जनतामा गम्भीर असन्तोष रहेको प्रमाणको रूपमा लिइएको छ। अब ती उजुरीको छानबिन गरी दोषीमाथि कारबाही गर्ने वा प्रणाली सुधार गर्ने जिम्मेवारी अर्थ मन्त्रालयको काँधमा आएको छ।
Like
Dislike
Angry
Sad
Funny
.png)
उच्च गुणस्तर र सटिक समाचार तथा विश्लेषण काे लागि युनिबिग न्युज अनलाइन संचालनमा ।
Mar 16, 2023
उच्च गुणस्तर र सटिक समाचार तथा विश्लेषण काे लागि युनिबिग न्युज अनलाइन संचालनमा ।
March 16, 2023
रत्नपार्कमा मिटरब्याज पीडित र प्रहरीबीच झडपः पीडित भन्छन्ः प्रहरीले दमन गर्यो
April 17, 2023
कमेन्टस् 0