काठमाडौंको बालुवाटारस्थित प्रधानमन्त्री निवासमा शिष्टाचार भेट
काठमाडौंको बालुवाटारस्थित प्रधानमन्त्री निवासमा शिष्टाचार भेट
स्विट्जरल्यान्डका विदेश मन्त्री इग्नाजियो कासिसले आज प्रधानमन्त्री केपी शर्मा ओलीसँग काठमाडौंको बालुवाटारस्थित प्रधानमन्त्री निवासमा शिष्टाचार भेट गरेका छन्। नेपालको औपचारिक भ्रमणमा आइतवार साँझ काठमाडौं आइपुगेका मन्त्री कासिसले दुई देशबीचको द्विपक्षीय सम्बन्ध थप मजबुत बनाउने विषयमा छलफल गरेका हुन्।
भेटवार्ताका क्रममा प्रधानमन्त्री ओलीले नेपालको संघीय शासन प्रणाली, संक्रमणकालीन न्याय, जलवायु परिवर्तन तथा विपद् व्यवस्थापन, र समग्र विकास क्षेत्रमा स्विट्जरल्यान्डले पुर्याउँदै आएको सहयोगप्रति धन्यवाद व्यक्त गरे। साथै, उनले यी क्षेत्रहरूमा आगामी दिनमा अझ गहिरो साझेदारी आवश्यक रहेको उल्लेख गरे।
स्विस विदेश मन्त्री कासिसले पनि नेपाललाई विगतदेखि दिँदै आएको विकास सहायता र लोकतान्त्रिक अभ्यासमा सहयोगलाई निरन्तरता दिने प्रतिबद्धता व्यक्त गरे। उनले विशेषगरी संघीयता सुदृढीकरण, जलवायु सहनशीलता प्रवर्द्धन, विपद् जोखिम न्यूनीकरण, र संक्रमणकालीन न्यायका प्रक्रियाहरूमा स्विट्जरल्यान्डको सहयोग रहिरहने बताए।
भेटमा स्विस राजदूत डा. डानिएल मेउली, गृहमन्त्री रमेश लेखाख, परराष्ट्र मन्त्रालयका उच्च अधिकारीहरूलगायतको सहभागिता थियो। यो भेटवार्ताले नेपाल–स्विट्जरल्यान्ड सम्बन्धलाई थप मजबुत बनाउने विश्वास व्यक्त गरिएको छ। यस भ्रमणलाई नेपालले विकास साझेदारी सुदृढ गर्ने अवसरका रूपमा लिएको छ।
Like
Dislike
Angry
Sad
Funny
उच्च गुणस्तर र सटिक समाचार तथा विश्लेषण काे लागि युनिबिग न्युज अनलाइन संचालनमा ।
Mar 16, 2023उच्च गुणस्तर र सटिक समाचार तथा विश्लेषण काे लागि युनिबिग न्युज अनलाइन संचालनमा ।
March 16, 2023रत्नपार्कमा मिटरब्याज पीडित र प्रहरीबीच झडपः पीडित भन्छन्ः प्रहरीले दमन गर्यो
April 17, 2023
कमेन्टस् 0