आयोगले दायर गरेको भ्रष्टाचार मुद्दामा पूर्वप्रधानमन्त्री माधवकुमार नेपालको आज विशेष अदालतमा बयान लिइएको छ।
आयोगले दायर गरेको भ्रष्टाचार मुद्दामा पूर्वप्रधानमन्त्री माधवकुमार नेपालको आज विशेष अदालतमा बयान लिइएको छ।
काठमाडौँ, असार ११ — पतञ्जली जग्गा प्रकरणमा अख्तियार दुरुपयोग अनुसन्धान आयोगले दायर गरेको भ्रष्टाचार मुद्दामा पूर्वप्रधानमन्त्री माधवकुमार नेपालको आज विशेष अदालतमा बयान लिइएको छ। विशेष अदालतका न्यायाधीश तेजनारायणसिंह राई, रामबहादुर थापा र विदुर कोइरालाको इजलासमा बयान दिइसकेपछि बन्द इजलासमा थुनछेक बहससमेत गरिएको थियो। बहसपछि अदालतले उनलाई ३५ लाख रुपैयाँ धरौटीमा रिहा गर्न आदेश दिएको छ। अख्तियारका तर्फबाट वरिष्ठ अधिवक्ता सुशील पन्तले नेपाललाई गम्भीर भ्रष्टाचार अभियोग भएकाले थुनामा राखिनु पर्ने माग गरेका थिए।
यसअघि अख्तियारले जेठ २२ गते नेपालसहित ९२ जनाविरुद्ध काभ्रेको जग्गा पतञ्जली योगपीठलाई गैरकानुनी रूपमा उपलब्ध गराएको, भूमिसीमा नाघेको र राज्यलाई झण्डै १८५.८५ लाख रुपैयाँ बराबरको हानि पुर्याएको आरोपसहित मुद्दा दायर गरेको थियो। यो प्रकरण नेपाल प्रधानमन्त्री रहेका बेला क्याबिनेटबाट गरिएको निर्णयसँग जोडिएको छ। भ्रष्टाचार निवारण ऐनअनुसार मुद्दा दायर भएपछि नेपाल स्वतः प्रतिनिधिसभा सदस्यबाट निलम्बित भएका थिए।
पूर्वप्रधानमन्त्री नेपालले आफूमाथिको आरोप राजनीति प्रेरित भएको दाबी गर्दै कानुनी प्रक्रिया स्वागत गर्ने बताएका छन्। यो घटना नेपालको इतिहासमा पहिलो पटक कुनै पूर्वप्रधानमन्त्रीमाथि क्याबिनेटको निर्णयका आधारमा भ्रष्टाचारको मुद्दा दायर भएको उदाहरण बनेको छ, जसले राजनीतिक वृत्त र कानुनी क्षेत्रलाई समेत चासोको केन्द्रमा ल्याएको छ।
Like
Dislike
Angry
Sad
Funny
.png)
उच्च गुणस्तर र सटिक समाचार तथा विश्लेषण काे लागि युनिबिग न्युज अनलाइन संचालनमा ।
Mar 16, 2023
उच्च गुणस्तर र सटिक समाचार तथा विश्लेषण काे लागि युनिबिग न्युज अनलाइन संचालनमा ।
March 16, 2023
रत्नपार्कमा मिटरब्याज पीडित र प्रहरीबीच झडपः पीडित भन्छन्ः प्रहरीले दमन गर्यो
April 17, 2023
कमेन्टस् 0