अगस्ट २७ मा बसेको परिषद्को बैठकमा १५ सदस्य राष्ट्रमध्ये अमेरिकाबाहेक सबैले यसलाई मानव निर्मित संकट घोषणा गर्दै तत्काल मानवीय सहायता आपूर्ति सुनिश्चित गर्नुपर्ने माग गरेका छन्।
अगस्ट २७ मा बसेको परिषद्को बैठकमा १५ सदस्य राष्ट्रमध्ये अमेरिकाबाहेक सबैले यसलाई मानव निर्मित संकट घोषणा गर्दै तत्काल मानवीय सहायता आपूर्ति सुनिश्चित गर्नुपर्ने माग गरेका छन्।
संयुक्त राष्ट्रसंघको सुरक्षा परिषद्ले हाल गाजामा देखिएको भोकमरीलाई “मानव निर्मित संकट” भएको भन्दै गम्भीर चिन्ता प्रकट गरेको छ। अगस्ट २७ मा बसेको परिषद्को बैठकमा १५ सदस्य राष्ट्रमध्ये अमेरिकाबाहेक सबैले यसलाई मानव निर्मित संकट घोषणा गर्दै तत्काल मानवीय सहायता आपूर्ति सुनिश्चित गर्नुपर्ने माग गरेका छन्।
परिषद्ले गाजामा जारी युद्ध तत्काल रोक्नुपर्ने, स्थायी युद्धविराम, सबै बन्दीहरूको मुक्ती, तथा राहत सामग्रीमा लगाइएका अवरोध हटाउन इस्रायललाई आग्रह गरेको छ। निर्णयमा भनिएको छ कि भोकमरीलाई हतियारको रूपमा प्रयोग गर्नु अन्तर्राष्ट्रिय कानुनविपरीत मानिन्छ र यसले निर्दोष सर्वसाधारणलाई गम्भीर जोखिममा पारिरहेको छ।
संयुक्त राष्ट्रसंघको खाद्य सुरक्षा मूल्यांकन अनुसार हाल गाजामा करिब ५ लाख १४ हजार मानिस गम्भीर भोकमरीको अवस्थामा छन् भने यो संख्या सेप्टेम्बर महिनाको अन्त्यसम्म बढेर ६ लाख ४१ हजार पुग्ने अनुमान गरिएको छ।
इस्रायलले भने उक्त प्रतिवेदनलाई पक्षपाती र हमासद्वारा आपूर्ति गरिएको तथ्यांकमा आधारित भन्दै अस्वीकार गरेको छ। अमेरिकाले पनि प्रतिवेदनको विश्वसनीयतामाथि प्रश्न उठाए पनि गाजाको मानवीय आवश्यकतालाई भने स्वीकार गरेको छ।
यसअघि संयुक्त राष्ट्रसंघीय अधिकारीहरूले गाजामा राहत सामग्री पठाउने बाटोमा रहेका करिब ६ हजार राहत ट्रकहरू अड्किएको बताएका थिए। यस्तो अवस्थामा सुरक्षा परिषद्को यो निर्णय गाजाको जनजीवनलाई सहज बनाउन र युद्धग्रस्त क्षेत्रमा राहत पु¥याउन महत्वपूर्ण कदम मानिएको छ।
Like
Dislike
Angry
Sad
Funny
.png)
उच्च गुणस्तर र सटिक समाचार तथा विश्लेषण काे लागि युनिबिग न्युज अनलाइन संचालनमा ।
Mar 16, 2023
उच्च गुणस्तर र सटिक समाचार तथा विश्लेषण काे लागि युनिबिग न्युज अनलाइन संचालनमा ।
March 16, 2023
रत्नपार्कमा मिटरब्याज पीडित र प्रहरीबीच झडपः पीडित भन्छन्ः प्रहरीले दमन गर्यो
April 17, 2023
कमेन्टस् 0