नेपालले भूटानलाई ६–१ गोल अन्तरले पराजित गर्दै शानदार सुरुवात गरेको छ
नेपालले भूटानलाई ६–१ गोल अन्तरले पराजित गर्दै शानदार सुरुवात गरेको छ
ढाका, बंगलादेश — साफ यू–२० महिला च्याम्पियनसिपको उद्घाटन खेलमा नेपालले भूटानलाई ६–१ गोल अन्तरले पराजित गर्दै शानदार सुरुवात गरेको छ। नेपालका लागि कोशी प्रदेशकी स्ट्राइकर पूर्णिमा राईले चार गोल गर्दै टोलीको जितमा महत्त्वपूर्ण भूमिका निभाइन्।
खेलको नवौं मिनेटमा सेनु परियारले उत्कृष्ट ओभरहेड प्रहारमार्फत पहिलो गोल गरे। त्यसपछि १८ औं मिनेटमा बर्षा ओलीको पासमा पूर्णिमा राईले दोस्रो गोल गर्दै अग्रता दोब्बर बनाइन्। पहिलो हाफको अन्त्यतिर सेनुले व्यक्तिगत दोस्रो गोल गर्दै नेपाललाई ३–० को अग्रता दिलाइन्।
दोस्रो हाफको सुरुमा भूटानले केल्डेन वाङ्मोको गोलमार्फत एक गोल फर्काए पनि त्यसपछि नेपाल पूर्ण रुपमा हाबी रह्यो। पूर्णिमाले ६३ औं मिनेटमा व्यक्तिगत दोस्रो गोल गरिन् भने ८४ औं मिनेटमा ह्याट्रिक पूरा गर्दै स्कोरलाई ५–१ बनाइन्। खेलको अन्त्यतिर ८८ औं मिनेटमा उनले चौथो गोल गर्दै नेपाललाई ६–१ को शानदार जित दिलाइन्।
पूर्णिमा राई "प्लेयर अफ द म्याच" घोषित भइन्। उनले खेलपछि भनेकी थिइन्, “टोलीले मलाई राम्रो सहयोग गर्यो, मलाई गोल गर्ने आत्मविश्वास थियो।”
साफ यू–२० च्याम्पियनसिपमा नेपाल, बंगलादेश, भूटान र श्रीलंकाको सहभागिता रहेको छ। पहिलो दिन बंगलादेशले श्रीलंकालाई ९–१ ले पराजित गरेको थियो। नेपालले अब आगामी जुलाई १३ मा बंगलादेशसँग र जुलाई १५ मा श्रीलंकासँग खेल्नेछ।
यो प्रतियोगिता लिग चरणमा सञ्चालन हुँदैछ जहाँ सबै टोलीहरूले एकअर्काविरुद्ध खेल्नेछन्। सर्वाधिक अंक हासिल गर्ने टोली उपाधि विजेता घोषित हुनेछ। सन् २०२३ मा उपविजेता बनेको नेपाल यसपटक उपाधि जित्ने लक्ष्यसहित मैदानमा उत्रिएको हो।
Like
Dislike
Angry
Sad
Funny
.png)
उच्च गुणस्तर र सटिक समाचार तथा विश्लेषण काे लागि युनिबिग न्युज अनलाइन संचालनमा ।
Mar 16, 2023
उच्च गुणस्तर र सटिक समाचार तथा विश्लेषण काे लागि युनिबिग न्युज अनलाइन संचालनमा ।
March 16, 2023
रत्नपार्कमा मिटरब्याज पीडित र प्रहरीबीच झडपः पीडित भन्छन्ः प्रहरीले दमन गर्यो
April 17, 2023
कमेन्टस् 0