६८२ विपद् घटनामा ३१ मृतक, १५१ घाइते — चट्याङले लियो सबैभन्दा धेरै ज्यान
६८२ विपद् घटनामा ३१ मृतक, १५१ घाइते — चट्याङले लियो सबैभन्दा धेरै ज्यान
यस वर्षको मनसुन सुरुवातसँगै विभिन्न विपद्जन्य घटनाहरू तीव्र रुपमा बढेका छन्। गृह मन्त्रालयअन्तर्गतको राष्ट्रिय आपतकालीन कार्यसञ्चालन केन्द्र (NEOC) का अनुसार, जेठ १५ (May 28) देखि असार १५ (June 30) सम्मको अवधिमा देशभर ६८२ वटा मनसुनसँग सम्बन्धित घटनाहरू दर्ता भएका छन्। ती घटनाहरूमा पहिरो, बाढी, चट्याङ, हावाहुरी र डुबान प्रमुख रहेका छन्।
ती घटनाहरूमा हालसम्म कम्तीमा ३१ जनाले ज्यान गुमाएका छन् भने १५१ जना घाइते भएका छन्। मृत्यु हुनेमध्ये १९ जना पुरुष र १२ जना महिला छन्। त्यस्तै, हालसम्म २८ जना बेपत्ता छन् र ४२९ घरपरिवार विस्थापित भएका छन्।
सबैभन्दा बढी ज्यान जाने घटना चट्याङका कारण भएको हो। चट्याङबाट मात्रै २१ जनाको मृत्यु भएको छ, जुन पछिल्ला वर्षहरूको तुलनामा बढी मानिएको छ। त्यस्तै, ८ जना पहिरोमा परेर ज्यान गुमाएका छन् भने बाढीले २ जनाको ज्यान लिएको छ।
बाढी, पहिरो र चट्याङबाट प्रभावित जिल्लाहरूमा उद्धार तथा राहत कार्य जारी रहेको गृह मन्त्रालयले जनाएको छ। स्थानीय प्रशासनहरूलाई सतर्क रहन र जोखिममा रहेका बासिन्दालाई सुरक्षित स्थानमा सार्न निर्देशन दिइएको छ।
जल तथा मौसम पूर्वानुमान महाशाखाका अनुसार आगामी दिनहरूमा अझै भारी वर्षा हुने सम्भावना रहेकाले विपद्को जोखिम अझै कायम रहेको बताइएको छ। सर्वसाधारणलाई सचेत रहन, सावधानी अपनाउन र आवश्यक परेको खण्डमा तत्काल नजिकको प्रशासनिक निकायसँग सम्पर्क गर्न आग्रह गरिएको छ।
Like
Dislike
Angry
Sad
Funny
.png)
उच्च गुणस्तर र सटिक समाचार तथा विश्लेषण काे लागि युनिबिग न्युज अनलाइन संचालनमा ।
Mar 16, 2023
उच्च गुणस्तर र सटिक समाचार तथा विश्लेषण काे लागि युनिबिग न्युज अनलाइन संचालनमा ।
March 16, 2023
रत्नपार्कमा मिटरब्याज पीडित र प्रहरीबीच झडपः पीडित भन्छन्ः प्रहरीले दमन गर्यो
April 17, 2023
कमेन्टस् 0