बाढीको जोखिम बढेपछि उच्च सतर्कताका लागि IPPAN को आग्रह

नेपालका नदीहरूमा लगातारको वर्षाले बाढीको सम्भावना उच्च बनेपछि स्वतन्त्र विद्युत उत्पादक संघ नेपाल (IPPAN) ले सबै जलविद्युत आयोजना र सम्बन्धित निकायहरूलाई उच्च सतर्क रहन आग्रह गरेको छ।

IPPAN ले हालसालै एक विज्ञप्ति जारी गर्दै भनिएको छ कि मनसुन सक्रिय रहेकाले देशका प्रमुख नदीहरू जस्तै कोशी, गण्डकी, कर्णाली र तिनका सहायक नदीहरूमा पानीको बहाव तीव्र रुपमा बढिरहेको छ। यसले जलविद्युत आयोजना, ड्याम संरचना तथा उपकरणहरूमा क्षति पुर्याउन सक्ने भन्दै सतर्कता अपनाउन र पूर्वतयारी मिलाउन भनिएको छ।

संघले जलाशययुक्त तथा रन–अफ–द–रिभर प्रकारका सबै आयोजना व्यवस्थापकहरूलाई निगरानी प्रणालीहरू सक्रिय राख्न, मर्मत सम्भार तयारी राख्न र स्थानीय प्रशासनसँग समन्वय गरेर सुरक्षाका उपायहरू अवलम्बन गर्न आग्रह गरेको छ।

IPPAN का अध्यक्ष भोलानाथ चापागाईंले भने, “बाढी र पहिरोको जोखिमलाई ध्यानमा राखेर जलविद्युत क्षेत्रले तत्काल पूर्वसावधानी अपनाउनु अत्यन्त जरुरी छ, नत्र ठूलो क्षति हुन सक्छ।”

सरकार र जलस्रोत मन्त्रालयलाई समेत चेतावनी दिँदै संघले जलविद्युत पूर्वाधारको सुरक्षाका लागि आपतकालीन कार्ययोजना तयार पार्न आग्रह गरेको छ।