एसिया विश्वको तुलनामा दोब्बर गतिमा तfत्दै, चरम मौसमको जोखिम बढ्दो

विश्व मौसम विज्ञान संगठन (WMO) ले हालै सार्वजनिक गरेको २०२४ को जलवायु प्रतिवेदन अनुसार, एसिया क्षेत्रले विश्वको औसतभन्दा दोब्बर दरले तापमान वृद्धिको सामना गरिरहेको छ। २०२४ मा एसियाको औसत सतही तापक्रम १.०४ डिग्री सेल्सियसले बढेको थियो, जुन सन् १९९१ देखि २०२० को औसत तापमानभन्दा उल्लेखनीय रूपमा बढी हो। यो वृद्धिदर विश्वको औसत तापमान वृद्धिको तुलनामा करिब दोब्बर हो।

यस तीव्र ताप वृद्धिको प्रत्यक्ष असरका रूपमा एसियाली क्षेत्रमा चरम मौसम घटनाहरूमा वृद्धि भएको छ। हिमालय क्षेत्रमा हिउँ चाँडै पग्लिन थालेको छ, जसले बाढीको जोखिम बढाएको छ। समुद्री तटमा समुद्री गर्मी लहर (marine heatwaves) देखिएका छन् जसले समुद्री जीव–जन्तु र खाद्य श्रृंखलामा गम्भीर असर पुर्‍याइरहेका छन्। दक्षिण एशिया र चीनजस्ता देशहरूमा भीषण खडेरी, तातो हावा (heatwaves), तथा बाढीका घटनाहरू नियमितजस्तै भइरहेका छन्।

WMO ले चेतावनी दिएको छ कि यदि यो प्रवृत्ति रोकिएन भने भविष्यमा जलवायु आपतकालका घटना अझ गम्भीर र बारम्बार हुनेछन्। यसका लागि क्षेत्रीय सरकारहरूलाई जलवायु अनुकूलन रणनीति, हरित ऊर्जा विस्तार, र आपतकालीन पूर्वतयारीमा लगानी गर्न आग्रह गरिएको छ।